ყაზახეთის პრეზიდენტის, კასიმ-ჟომარტ ტოკაევის განცხადებით, რუსეთის პრეზიდენტ ვლადიმერ პუტინთან შეხვედრაზე ორმხრივი თანამშრომლობის საკითხები განიხილა.

„გუშინ, ვლადიმერ პუტინთან საუბარი დაახლოებით ორი საათი გაგრძელდა. ბევრი საკითხი განვიხილეთ, როგორც ორმხრივი თანამშრომლობის, ასევე, საერთაშორისო ვითარების შესახებ“, - განაცხადა კასიმ-ჟომარტ ტოკაევმა.

ტოკაევის თქმით, ყაზახეთსა და რუსეთს შორის ურთიერთობების ახალ ეტაპზე გადასვლის მიზნით, მოსკოვში მის ვიზიტს დიდი მნიშვნელობა აქვს.

ცნობისთვის, ყაზახეთის პრეზიდენტი კასიმ-ჟომარტ ტოკაევი მოსკოვში გუშინ ჩავიდა და კრემლში რუსეთის პრეზიდენტს, ვლადიმერ პუტინს შეხვდა.