აშშ-ის წარმომადგენელთა პალატამ მიიღო ხარჯების შესახებ კანონპროექტი, რომელიც მთავრობის ე.წ. „შათდაუნს“ დაასრულებს.

კანონპროექტს მხარი 222-მა კონგრესმენმა დაუჭირა, მათ შორის ექვსმა „დემოკრატმა“, წინააღმდეგ კი 209 წავიდა.

კანონპროექტი, რომელიც წარმომადგენელთა პალატამდე სენატმა დაამტკიცა, პრეზიდენტ დონალდ ტრამპს გადაეცემა ხელმოსაწერად.

კანონპროექტის დამტკიცების შემდეგ, აშშ-ის ისტორიაში მთავრობის „შათდაუნის“ ყველაზე ხანგრძლივი პერიოდი ოფიციალურად დასრულდება.