ვოლოდიმირ ზელენსკი ზაპოროჟიეს ოლქში სამხედროებს შეხვდა, - ინფორმაციას უკრაინის პრეზიდენტი სოციალურ ქსელში ავრცელებს.

„ზაპოროჟიეს ოლქში სამუშაო ვიზიტის დროს სამხედრო მეთაურებთან უსაფრთხოების საკითხზე ბრიფინგი გავმართე. ძირითადად, სამხრეთში არსებული ოპერატიული ვითარება განვიხილეთ. ასევე, მოვისმინეთ მოხსენება პოკროვსკში არსებული ვითარების შესახებ“, - წერს ვოლოდიმირ ზელენსკი X-ზე.

უკრაინის პრეზიდენტმა ზაპოროჟიეს ოლქში სამხედროებს სახელმწიფო ჯილდოები გადასცა.

„აღმოსავლეთ უკრაინა, ნამდვილად, დიდი გამოწვევაა. მადლობას ვუხდი ყველა ჯარისკაცს, ოფიცერსა და სერჟანტს ზაპოროჟიეს ოლქის დაცვისთვის“, - აღნიშნავს უკრაინის პრეზიდენტი.