რუსტემ უმეროვი - უკრაინამ და რუსეთმა ომის ტყვეების გაცვლაზე მოლაპარაკებები გაააქტიურეს, საუბარია 1,200 უკრაინელის რუსული ტყვეობიდან გათავისუფლებაზე
უკრაინამ და რუსეთმა ომის ტყვეების გაცვლაზე მოლაპარაკებები გაააქტიურეს, საუბარია 1,200 უკრაინელის რუსული ტყვეობიდან გათავისუფლებაზე. ამის შესახებ უკრაინის თავდაცვის მინისტრი, რუსტემ უმეროვი სოციალურ ქსელში წერს.
“უკრაინის პრეზიდენტის დავალებით ამ დღეებში თურქეთსა და არაბთა გაერთიანებულ საამიროებში პარტნიორების შუამდგომლობით კონსულტაციები გავმართე გაცვლების პროცესის აღდგენასა და რუსული ტყვეობიდან ჩვენი ხალხის გათავისუფლებაზე. ამ მოლაპარაკებების შედეგად მხარეები სტამბოლის შეთანხმებების გააქტიურებაზე შეთანხმდნენ. საუბარია 1,200 უკრაინელის გათავისუფლებაზე,” - წერს უმეროვი.
მისი თქმით, უახლოეს მომავალში ტექნიკური კონსულტაციები გაიმართება, რამაც პროცედურული და საორგანიზაციო მომენტები უნდა დაამტკიცონ.
