შვედეთის პოზიცია დიდი ხანია არის ის, რომ მივესალმებით ქართველი ხალხის მისწრაფებას გაწევრიანდნენ ევროკავშირში და გახდნენ ევროპული ოჯახის წევრი, მაგრამ ჩვენ ასევე ვხედავთ საქართველოს მთავრობის მხრიდანაც, რომ არ არსებობს რეალური ამბიცია ან ინტერესი მიჰყვნენ ამ გზას, ან განახორციელონ საჭირო რეფორმები, - ამის შესახებ შვედეთის მინისტრმა ევროკავშირის საკითხებში, ჯესიკა როზენკრანციმ ზოგად საქმეთა საბჭოს შეხვედრამდე „ევროსკოპის“ შეკითხვაზე საპასუხოდ განაცხადა.

„პირიქით, ვხედავთ, რომ საქმე არასწორი მიმართულებით მიდის და შესაბამისად, ეს პროცესი წინ არ მიდის. ქართველი ხალხისთვის ჩემი გზავნილი ძალიან ნათელია. თქვენ ეკუთვნით ევროპულ ოჯახს, მაგრამ მთავრობამ უნდა იმოქმედოს საჭირო რეფორმების განხორციელებაზე“, - აღნიშნა მინისტრმა.