პოლიციამ მათე დევიძის მხარდამჭერი მსვლელობის კიდევ რამდენიმე მონაწილე დააკავა. არსებული ინფორმაციით, დაკავებულებს შორის არიან სამოქალაქო აქტივისტები დავით გუნაშვილი, გიორგი ჟამერაშვილი, გია ჯვარშეიშვილი და სხვები.

პოლიციასა და მსვლელობის მონაწილეებს შორის დაპირისპირება პოლიკარპე კაკაბაძის ქუჩაზე მოხდა.

მსვლელობის მეორე ნაწილი კი ალექსანდრე ჭავჭავაძის ქუჩის გავლით მიემართება რუსთაველის გამზირის მიმართულებით.

მანამდე სამართალდამცავებმა მათე დევიძის სოლიდარობის მარშის ერთ-ერთი მონაწილე, თსუ-ს ლექტორი ქეთევან ხუსკივაძე დააკავეს. თბილისის საპატრულო პოლიციის უფროსის, გოგა მემანიშვილის განცხადებით, ხუსკივაძე პოლიციელის სიტყვიერი შეურაცხყოფის გამო დააკავეს.