თბილისის საკრებულოში „ქართული ოცნების“ ახალარჩეულ წევრს, ლუკა ძაძამიას დეპუტატის უფლებამოსილება შეუწყდა.

საკითხზე საკრებულოს დღევანდელ სხდომაზე იმსჯელეს, სადაც მისი უფლებამოსილების შეწყვეტა დეპუტატებმა ცნობად მიიღეს.

თავად ლუკა ძაძამიას განცხადებით, თბილისის საკრებულოს დეპუტატის მანდატი საკუთარი გადაწყვეტილების საფუძველზე დატოვა. ამასთან, მისი თქმით, „გუნდის ერთგული რჩება“.

შეგახსენებთ, 21 წლის ლუკა ძაძამია საკრებულოში „ქართული ოცნების“ პროპორციული სიით შევიდა.