ევროკავშირი უკრაინაზე და აშშ-ის „სამშვიდობო გეგმაზე” სპეციალურ შეხვედრას 24 ნოემბერს გამართავს. ამის შესახებ ინფორმაციას ევროპული საბჭოს პრეზიდენტი, ანტონიო კოშტა სოციალურ ქსელში ავრცელებს.

„მივესალმებით აშშ-ის მიმდინარე ძალისხმევებს უკრაინაში მშვიდობის მოსატანად. 28-პუნქტიანი გეგმის წინასწარი პროექტი მნიშვნელოვან ელემენტებს მოიცავს, რომლებიც არსებითი მნიშვნელობისა იქნება სამართლიანი და მყარი მშვიდობისთვის. შესაბამისად, გვჯერა, რომ პროექტი საფუძველია, რომელსაც დამატებითი მუშაობა დასჭირდება.

მზად ვართ ჩავერთოთ, რათა უზრუნველვყოთ მომავალი მშვიდობის სიმყარე. ნათელი ვართ პრინციპზე, რომ საზღვრები ძალით არ უნდა იცვლებოდეს.

ასევე შეშფოთებულები ვართ უკრაინის შეიარაღებული ძალების შემოთავაზებული შეზღუდვებით, რაც უკრაინას მოწყვლადს დატოვებს სამომავლო თავდასხმისთვის.

ვიმეორებთ, რომ ევროკავშირთან და ნატოსთან დაკავშირებული ელემენტების განხორციელება, შესაბამისად, ევროკავშირისა და ნატოს წევრების თანხმობას მოითხოვს.

ამ შესაძლებლობით ვსარგებლობთ, რათა ხაზი გავუსვათ უკრაინისთვის ჩვენი მიმდინარე მხარდაჭერის ძალას. გავაგრძელებთ მომდევნო დღეებში უკრაინასთან და აშშ-სთან მჭიდრო კოორდინაციას.

მუშაობა გრძელდება. ევროკავშირის 27-ვე ლიდერი მოვიწვიე ორშაბათს ლუანდაში, ევროკავშირი - აფრიკის კავშირის ფარგლებში უკრაინაზე სპეციალური შეხვედრისთვის,” - წერს კოშტა.