უკრაინის დელეგაციამ ჟენევაში მუშაობა დაიწყო, - ამის შესახებ უკრაინის პრეზიდენტის ადმინისტრაციის ხელმძღვანელი, ანდრეი ერმაკი სოციალურ ქსელში წერს.

„პირველი შეხვედრა დიდი ბრიტანეთის, საფრანგეთისა და გერმანიის ლიდერების ეროვნული უსაფრთხოების მრჩევლებთან - ჯონათან პაუელთან, ემანუელ ბონესთან და გიუნტერ საუტერთან გაიმართა“, - წერს ანდრეი ერმაკი X-ზე.

ერმაკის ცნობით, მომდევნო შეხვედრა აშშ-ის დელეგაციასთან გაიმართება.

„ძალიან კონსტრუქციული განწყობა გვაქვს. დღეს სხვადასხვა ფორმატში შეხვედრების სერიაა დაგეგმილი. ერთად მუშაობას ვაგრძელებთ, რათა უკრაინისთვის ხანგრძლივ და სამართლიან მშვიდობას მივაღწიოთ“, - აცხადებს ერმაკი.