აჭარის მთავრობის სახლთან საპროტესტო აქცია მიმდინარეობს.

მომიტინგეები ადგილზე 363-ე დღეა იკრიბებიან.

“ივანიშვილი პროტესტის ჩახშობას ვერ შეძლებს”, - აცხადებენ აქციის მონაწილეები.

მათი თქმით, „რეპრესიების მიუხედავად, ქართველი ხალხის უმრავლესობა ევროპული მომავლისთვის იბრძვის“.

აქციის მონაწილეებს მიაჩნიათ, რომ საქართველო ევროპული ოჯახის ნაწილი აუცილებლად გახდება.

“მიუღებელია ემიგრანტების მიმართ მიღებული სამარცხვინო კანონპროექტები. ადამიანებს არჩევანის უფლებას ართმევენ. სირცხვილი ხელისუფლებას. ჩვენ აქ ვართ და ვიბრძოლებთ ბოლომდე, ვიბრძოლებთ ყველასთვის, რომ უსაფრთხო ევროპულ ქვეყანაში ვიცხოვროთ”,- ამბობენ შეკრებილები.