რუსეთი ირკუტსკში პოლონეთის გენერალურ საკონსულოს ხურავს, - ინფორმაციას რუსული მედია ავრცელებს.

რუსეთის საგარეო საქმეთა სამინისტროში განაცხადეს, რომ გადაწყვეტილების შესახებ პოლონეთის ელჩს უკვე აცნობეს.

„27 ნოემბერს, რუსეთის ფედერაციაში პოლონეთის ელჩი [კრჟიშტოფ კრაევსკი] საგარეო საქმეთა სამინისტროში დაიბარეს და მას ნოტა გადასცეს, რომლითაც აცნობეს, რომ პოლონეთის ხელისუფლების მიერ გდანსკში რუსეთის გენერალური საკონსულოს მუშაობის ნებართვის გაუქმების საპასუხოდ, რუსულმა მხარემ გადაწყვიტა, რომ ირკუტსკში პოლონეთის გენერალური საკონსულოს მუშაობის ნებართვა 2025 წლის 30 დეკემბრიდან გააუქმოს“, - ნათქვამია რუსეთის საგარეო უწყების განცხადებაში.

შეგახსენებთ, პოლონეთმა რკინიგზაზე მომხდარი დივერსიის გამო ქალაქ გდანსკში მოქმედი რუსეთის საკონსულოს დახურვის შესახებ 19 ნოემბერს გამოაცხადა. პოლონეთის პრემიერ-მინისტრმა, დონალდ ტუსკმა დივერსიული აქტების მოწყობაში რუსეთის სადაზვერვო სამსახურები დაადანაშაულა.