რუსეთის პრეზიდენტის პრესსპიკერის, დიმიტრი პესკოვის განცხადებით, უკრაინასთან დაკავშირებით აშშ-ის გეგმის ძირითადი პარამეტრები მოსკოვს ჟენევის შეხვედრაზე განხილვის შემდეგ გადაეცა.

„ძირითადი პარამეტრები გადმოგვეცა, დიახ“, - განუცხადა პესკოვმა ჟურნალისტებს, როდესაც უპასუხა შეკითხვას: გადაეცა თუ არა მოსკოვს უკრაინასთან დაკავშირებული გეგმა მას შემდეგ, რაც ის ჟენევაში გამართულ შეხვედრაზე განიხილეს.

მისი თქმით, კრემლი უკრაინაში კონფლიქტის დარეგულირების შესაძლო პარამეტრების ყველა დეტალს არ გაამჟღავნებს.

„ჩვენ ახლა ყველა დეტალს არ გავამჟღავნებთ და, ფაქტობრივად, პრეზიდენტი გუშინ ამისკენ მოწოდებით გამოვიდა. ეს ყველაფერი განხილული იქნება“, - აღნიშნა პესკოვმა.