მინდა ვთხოვო [მოშიმშილეებს], გამოვიდნენ შიმშილობის რეჟიმიდან და დადგნენ ჩვენთან ერთად ამ ბრძოლაში, - ამის შესახებ პარტია "თავისუფლების მოედნის” ლიდერმა, ლევან ცუცქირიძემ რუსთაველის გამზირზე მიმდინარე აქციაზე სიტყვით გამოსვლისას განაცხადა.

ლევან ცუცქირიძის თქმით, ყველა ის ადამიანი, ვინც შიმშილობს, პროტესტს ჯანმრთელი და ბრძოლისუნარიანი სჭირდება.

„აქ უკან შიმშილობენ ჩვენი თანამოქალაქეები. მე მინდა მათ ბოდიში მოვუხადო, რადგან რასაც ახლა ვიტყვი, მათთან არ შემითანხმებია. ჩვენ ეს ხალხი გვჭირდება ჯანმრთელები ჩვენთან ერთად ბრძოლაში. ჩემი პირადი თხოვნა მინდა გადავცე მათ, ჩვენ გავიგეთ მათი სათქმელი, ეს მთავრობა კი ამას ვერ გაიგებს, ამიტომ მინდა ვთხოვო გამოვიდნენ შიმშილობის რეჟიმიდან და დადგნენ ჩვენთან ერთად ამ ბრძოლაში. ჩვენ ისინი გვჭირდება ჯანმრთელები, ძლიერები და ბრძოლისუნარიანები“, - განაცხადა ლევან ცუცქირიძემ.