ხვალ CDG სინდრომისა და აუტიზმის ფონდის პრეზენტაცია გაიმართება
თბილისში, სასტუმრო „შერატონ მეტეხი პალასში“ CDG სინდრომისა და აუტიზმის ფონდის პრეზენტაცია გაიმართება.
ღონისძიება 30 ნოემბერს, 16:00 საათზეა დაგეგმილი.
ორგანიზატორების ინფორმაციით, ღონიძიების მიზანია, იშვიათი გენეტიკური დაავადებების შესახებ ცნობადობის ამაღლება, უკვე განხორციელებული პროექტების წარდგენა და სამომავლო გეგმების გაცნობა.
„პრეზენტაცია გახდება როგორც გზამკვლევი სივრცე მშობლებისთვის, ჯანდაცვის პროფესონალებისთვის და ყველასთვის, ვისაც სურს მიიღოს მეტი ინფორმაცია CDG სინდრომზე, აუტიზმზე და დაავადებების მართვის მიმართულებითთანამედროვე მიდგომებზე.
ღონისძიებას დაესწრებიან ბიზნეს-სექტორის ლიდერები და პარტნიორი კომპანიები, რომლებიც ისაუბრებენ მათი მხარდაჭერის მნიშვნელობაზე, სოციალური პასუხისმგებლობის პროექტებში ჩართულობაზე და იმ ერთობლივ ძალისხმევაზე, რომელიც საშუალებას აძლევს ფონდს განახორციელოს სასიცოცხლოდ მნიშვნელოვანი პროგრამები”,- ნათქვამია ინფორმაციაში.
