Reuters - შესაძლოა, მარკო რუბიომ მომავალ კვირას დაგეგმილ ნატო-ს საგარეო საქმეთა მინისტრების შეხვედრაში მონაწილეობა არ მიიღოს
შესაძლოა, მარკო რუბიომ მომავალ კვირას დაგეგმილ ნატო-ს საგარეო საქმეთა მინისტრების შეხვედრაში მონაწილეობა არ მიიღოს, - ინფორმაციას Reuters-ი წყაროებზე დაყრდნობით ავრცელებს.
გამოცემის წყაროს ცნობით, ბრიუსელში დაგეგმილ შეხვედრას ამერიკის შეერთებული შტატების სახელით სახელმწიფო მდივნის მოადგილე, კრისტოფერ ლანდაუ დაესწრება.
ჯერჯერობით უცნობია, თუ რატომ არ მიიღებს შეხვედრაში მონაწილეობას აშშ-ის სახელმწიფო მდივანი, მარკო რუბიო.
ნატო-ს საგარეო საქმეთა მინისტრების შეხვედრა ბრიუსელში 3 დეკემბერს გაიმართება.
