ომი რაც შეიძლება მალე უნდა დასრულდეს, - ამის შესახებ უკრაინის პრეზიდენტი, ვოლოდიმირ ზელენსკი პარიზში, საფრანგეთის პრეზიდენტთან, ემანუელ მაკრონთან შეხვედრის შემდეგ სოციალურ ქსელში წერს.

უკრაინის პრეზიდენტის ცნობით, ფრანგ კოლეგასთან მოლაპარაკებების დროს ბევრი დეტალი განიხილა.

„მთავარი საკითხი ომის დასასრულებლად მოლაპარაკებები და უსაფრთხოების გარანტიები იყო. მშვიდობა ნამდვილად მტკიცე უნდა გახდეს. ახლა ბევრი რამ თითოეული ლიდერის ჩართულობაზეა დამოკიდებული. დღეს სხვა ლიდერებსაც გავესაუბრებით“, - წერს ზელენსკი X-ზე.