დღევანდელი დღე მსოფლიოსთვის მნიშვნელოვანია, - ასე ეხმაურება რუსეთის პრეზიდენტის სპეციალური წარმომადგენელი უცხო ქვეყნებთან ინვესტიციებისა და ეკონომიკური თანამშრომლობის საკითხებში, კირილ დმიტრიევი მოსკოვში, აშშ-ის პრეზიდენტის სპეციალური წარმომადგენლის, სტივ უიტკოფის ვიზიტს.

„გუნდი, რომელმაც ღაზასთან დაკავშირებით პრეზიდენტ ტრამპის გეგმა შეიმუშავა, დღეს მოსკოვში იქნება, რათა უკრაინის შესახებ ტრამპის სამშვიდობო დღის წესრიგს ხელი შეუწყოს“, - აცხადებს დმიტრიევი.

შეგახსენებთ, დღეს რუსეთის პრეზიდენტი, ვლადიმერ პუტინი კრემლში აშშ-ის პრეზიდენტის, დონალდ ტრამპის სპეციალურ წარმომადგენელს, სტივ უიტკოფს შეხვდება. მოსალოდნელია, რომ შეხვედრაში მონაწილეობას აშშ-ის პრეზიდენტის სიძე, ჯარედ კუშნერიც მიიღებს.