გაერო-ს სპეციალური მომხსენებელი - შემაშფოთებელია, რომ საია-ს წევრი, თამარ ონიანი BBC-ის ფილმთან დაკავშირებით გამოკითხეს - ადამიანის უფლებების დარღვევებზე შეშფოთება არ შეიძლება სახელმწიფო ინტერესებისთვის ზიანის მიყენებად ჩაითვალოს
ადამიანის უფლებების დარღვევების შესახებ შეშფოთების გამოხატვა არ შეიძლება „სახელმწიფო ინტერესებისთვის ზიანის მიყენებად“ ჩაითვალოს, - ამის შესახებ გაერო-ს სპეციალური მომხსენებელი უფლებადამცველთა საკითხებში, მერი ლოულორი სოციალურ ქსელში წერს.
„შემაშფოთებელი ამბავი მესმის იმის შესახებ, რომ საქართველოს ახალგაზრდა იურისტთა ასოციაციის დირექტორი, თამარ ონიანი BBC-ის დოკუმენტურ ფილმთან დაკავშირებით სახელმწიფო უსაფრთხოების სამსახურში დაკითხვაზე დაიბარეს. გუშინ ის მოსამართლემ მოწმის სახით დაკითხა. ადამიანის უფლებების დარღვევების შესახებ შეშფოთების გამოხატვა არ შეიძლება „სახელმწიფო ინტერესებისთვის ზიანის მიყენებად“ ჩაითვალოს“, - წერს მერი ლოულორი X-ზე.
