უკრაინის პრეზიდენტი ვოლოდიმირ ზელენსკი 8 დეკემბერს ლონდონში ევროპელ ლიდერებს შეხვდება, - ინფორმაციას Sky News-ი ავრცელებს.

გამოცემის ცნობით, ორშაბათს, დიდი ბრიტანეთის პრემიერ-მინისტრი კირ სტარმერი ლონდონში უკრაინის პრეზიდენტს ვოლოდიმირ ზელენსკის, გერმანიის კანცლერს ფრიდრიხ მერცსა და საფრანგეთის პრეზიდენტს ემანუელ მაკრონს უმასპინძლებს.

გავრცელებული ინფორმაციით, ლიდერები აშშ-სა და უკრაინის დელეგაციებს შორის „სამშვიდობო გეგმის“ შესახებ ფლორიდაში მიმდინარე მოლაპარაკებებს განიხილავენ.