ნიდერლანდებმა, ქვეყნის საჰაერო სივრცეში დაფიქსირებული ამოუცნობი ობიექტის იდენტიფიცირების მიზნით, საჰაერო ძალების ორი F-35 ტიპის თვითმფრინავი განალაგა, - ინფორმაციას ქვეყნის თავდაცვის სამინისტრო ავრცელებს.

უწყების განმარტებით, ობიექტი ქვეყნის საჰაერო სივრცეში იმ სიმაღლეზე დაფრინავდა, სადაც სავალდებულოა იდენტიფიკაცია და საჰაერო მოძრაობის კონტროლთან კომუნიკაცია.

უცნობი ობიექტი უპილოტო საფრენი აპარატი აღმოჩნდა.

თავდაცვის სამინისტროს განცხადებით, დრონმა დატოვა საჰაერო სივრცე და უშუალო საფრთხეს არ წარმოადგენდა. მას საჰაერო მოძრაობაზე გავლენა არ მოუხდენია.