მარკო რუბიო დიდი ბრიტანეთის საგარეო საქმეთა მინისტრს შეხვდა, - ინფორმაციას აშშ-ის სახელმწიფო დეპარტამენტი ავრცელებს.

„სახელმწიფო მდივანმა მარკო რუბიომ და საგარეო საქმეთა მინისტრმა ივეტ კუპერმა რუსეთსა და უკრაინას შორის ხანგრძლივი მშვიდობის მიღწევის მიზნით თანამშრომლობის მიმართ ერთგულება კიდევ ერთხელ დაადასტურეს“, - ნათქვამია სახელმწიფო დეპარტამენტის განცხადებაში.

ასევე, რუბიომ და კუპერმა ახლო აღმოსავლეთსა და ინდო-წყნარი ოკეანის რეგიონში არსებული ვითარება განიხილეს.

„სახელმწიფო მდივანმა და საგარეო საქმეთა მინისტრმა ხაზი გაუსვეს ახლო აღმოსავლეთში უსაფრთხოების, სტაბილურობისა და კეთილდღეობის ხელშეწყობის აუცილებლობას და თავისუფალი ინდო-წყნარი ოკეანის რეგიონის მნიშვნელობას“, - აღნიშნულია განცხადებაში.