ანდრეი ბაბიში ჩეხეთის პრემიერ-მინისტრი გახდა, - ინფორმაციას Reuters-ი ავრცელებს.

ჩეხეთის პრეზიდენტმა, პეტრ პაველმა პრემიერ-მინისტრის თანამდებობაზე ანრეი ბაბიში დანიშნა.

ანდრეი ბაბიშის პარტია ANO ხელისუფლებას ოფიციალურად მიმდინარე თვეში გადაიბარებს, მას შემდეგ, რაც მთავრობის კაბინეტის დანიშვნა მოხდება.

კოალიციური მთავრობის შემადგენლობაში პარტია ANO-სთან ერთად მემარჯვენე ევროსკეპტიკოსი პარტიების, „მოტორისტებისა“ და „თავისუფლება და პირდაპირი დემოკრატიის“ წევრები იქნებიან.

შეგახსენებთ, ოქტომბერში ჩატარებულ ჩეხეთის საპარლამენტო არჩევნებში ანდრეი ბაბიშის პარტია ANO-მ ამომრჩეველთა ხმების 34.5%-ით პირველი ადგილი დაიკავა.