საგარეო დაზვერვის სამსახურს დავავალე, რომ რუსეთსა და ჩინეთს შორის თანამშრომლობას უფრო ყურადღებით დააკვირდეს, - ამის შესახებ უკრაინის პრეზიდენტი, ვოლოდიმირ ზელენსკი სოციალურ ქსელში წერს.

ვოლოდიმირ ზელენსკის ცნობით, უკრაინის საგარეო დაზვერვის სამსახურის უფროსის, ოლეგ ივაშენკოს ანგარიში მოისმინა.

„უკრაინის საგარეო პოლიტიკასთან და რუსეთში არსებული ეკონომიკური მდგომარეობის შესახებ ბევრი დეტალი განვიხილეთ. კერძოდ, რუსული კომპანიების ჩინურ ინვესტიციებსა და ტექნოლოგიებზე დამოკიდებულება“, - წერს ზელენსკი X-ზე.

მისი თქმით, უკრაინა აკვირდება „ჩინეთის სასარგებლოდ რუსეთის ტერიტორიების დე-სუვერენიზაციის მზარდ ტენდენციას, კერძოდ, რესურსებით მდიდარი მიწების ჩინეთისთვის მიყიდვას“.

„აღვნიშნავთ, რომ ჩინეთი რუსეთთან თანამშრომლობის გაძლიერების მიზნით ნაბიჯებს დგამს, მათ შორის სამხედრო-სამრეწველო სექტორში. ჩვენი პარტნიორების სადაზვერვო სამსახურებსაც მსგავსი ინფორმაცია აქვთ“, - აცხადებს უკრაინის პრეზიდენტი.