ვენესუელას მთავრობა შეერთებული შტატების მიერ ნავთობტანკერის დაკავებას ეხმაურება და აცხადებს, რომ ეს აშკარა ქურდობა და საერთაშორისო მეკობრეობის აქტია.

„ვენესუელა აბსოლუტური სიმტკიცით დაიცავს თავის სუვერენიტეტს, ბუნებრივ რესურსებსა და ეროვნულ ღირსებას“, - აცხადებენ ქვეყნის მთავრობაში.

მათივე მტკიცებით, ტანკერის დაკავებას საერთაშორისო ორგანოების წინაშე დაგმობენ.

ცნობისთვის, მანამდე, აშშ-ის პრეზიდენტმა დონალდ ტრამპმა დაადასტურა, რომ შეერთებულმა შტატებმა ვენესუელას სანაპიროსთან სანქცირებული ნავთობტანკერი დააკავა. ნავთობტანკერის დაკავებამ ნავთობის ფასების ზრდა გამოიწვია და ვაშინგტონსა და კარაკასს შორის დაძაბულობა მკვეთრად გაამწვავა.