ნატო-ს მიმართ აშშ-ის ერთგულებაში ეჭვი არ გვეპარება, - ამის შესახებ გერმანიის კანცლერმა, ფრიდრიხ მერცმა ნატო-ს გენერალურ მდივანთან, მარკ რუტესთან ერთად გამართულ პრესკონფერენციაზე განაცხადა.

„არანაირი საფუძველი არ არსებობს იმისთვის, რომ ნატო-ს ალიანსის ფარგლებში აშშ-სთან მიღწეულ შეთანხმებებში ეჭვი შევიტანოთ“, - განაცხადა ფრიდრიხ მერცმა.

მისი თქმით, აშშ-ის ეროვნული უსაფრთხოების სტრატეგია ნატო-ს მიმართ ერთგულებას ადასტურებს, თუმცა სხვა საკითხებში უფრო კრიტიკული დოკუმენტია.

„ვიცით, რომ ჩვენი უსაფრთხოებისთვის იმაზე გაცილებით მეტი უნდა გავაკეთოთ, ვიდრე წარსულში ვაკეთებდით“, - აღნიშნა გერმანიის კანცლერმა.