ვოლოდიმირ ზელენსკი ორშაბათს გერმანიას ეწვევა
ვოლოდიმირ ზელენსკი ორშაბათს გერმანიას ეწვევა, - ინფორმაციას Bild-ი ავრცელებს.
გამოცემის ცნობით, უკრაინის პრეზიდენტი, ვოლოდიმირ ზელენსკი 15 დეკემბერს ბერლინში გერმანიის კანცლერს, ფრიდრიხ მერცს შეხვდება.
ასევე, გამოცემის ინფორმაციით, მოსალოდნელია, რომ მოლაპარაკებებს საფრანგეთის პრეზიდენტი, ემანუელ მაკრონი და დიდი ბრიტანეთის პრემიერ-მინისტრი, კირ სტარმერიც შეუერთდებიან.
ცნობისთვის, ფრიდრიხ მერცმა გუშინ განაცხადა, რომ უკრაინაში ცეცხლის შეწყვეტის შესახებ მოლაპარაკებები ბერლინში მომავალი კვირის დასაწყისში იყო დაგეგმილი. გერმანიის კანცლერმა შეხვედრაზე აშშ-ის წარმომადგენლებიც მიიწვია, თუმცა ჯერჯერობით უცნობია, მიიღებენ თუ არა ამერიკელი ოფიციალური პირები შეხვედრაში მონაწილეობას.
