კიმ ჩენ ინი უკრაინის წინააღმდეგ ომში რუსეთის მხარეს მებრძოლი ჩრდილოეთ კორეელი ჯარისკაცების სამშობლოში დაბრუნების ცერემონიას დაესწრო, - ინფორმაციას გამოცემა Reuters-ი ჩრდილოეთ კორეის საინფორმაციო სააგენტო KCNA-ზე დაყრდნობით ავრცელებს.

KCNA-ის ცნობით, ჩრდილოეთ კორეელი ჯარისკაცები კურსკის ოლქში სამხედრო მოქმედებებში მონაწილეობდნენ და საინჟინრო სამუშაოებს ასრულებდნენ.

ჩრდილოეთ კორეის ლიდერმა, კიმ ჩენ ინმა ჯარისკაცები „გმირობისთვის“ შეაქო და აღნიშნა, რომ მისიის ფარგლებში ცხრა ჯარისკაცი დაიღუპა.

Reuters-ი წერს, რომ გასულ წელს ჩრდილოეთ კორეამ კურსკის ოლქში რუსეთის მხარეს ბრძოლის მიზნით 14 000 ჯარისკაცი გაგზავნა. სამხრეთ კორეული, უკრაინული და დასავლური წყაროების ცნობით, მათგან 6 000-ზე მეტი ჯარისკაცი დაიღუპა.