ევროკავშირის საგარეო საქმეთა მინისტრებსა და აშშ-ის პრეზიდენტის მრჩეველ სტივ უიტკოფს შორის საუბარი ტექნიკური პრობლემის გამო ჩაიშალა, - ამის შესახებ ევროკავშირის უმაღლესმა წარმომადგენელმა საგარეო საქმეთა და უსაფრთხოების პოლიტიკის საკითხებში, კაია კალასმა განაცხადა.

კაია კალასის ცნობით, აშშ-ის პრეზიდენტის მრჩევლებთან, სტივ უიტკოფთან და ჯარედ კუშნერთან საუბარი ონლაინ ფორმატში ევროკავშირის საგარეო საქმეთა მინისტრების შეხვედრისას იყო დაგეგმილი, თუმცა ტექნიკური პრობლემის გამო არ შედგა.

„სტივ უიტკოფთან და ჯარედ კუშნერთან მოლაპარაკებების შედეგების შესახებ სათქმელი არაფერი მაქვს, რადგან, არ ვიცი, ეს კიბერშეტევა იყო თუ არა, მაგრამ ტექნიკურმა საშუალებებმა არ იმუშავა“, - აღნიშნა კალასმა.