რუსთაველის გამზირზე, პარლამენტთან საპროტესტო აქცია განახლდა.

მოქალაქეები საკანონმდებლო ორგანოსთან უცვლელი მოთხოვნებით შეიკრიბნენ - დაინიშნოს ახალი საპარლამენტო არჩევნები და გათავისუფლდნენ აქციების ფარგლებში დაკავებული პირები.

დემონსტრანტებს ადგილზე მოტანილი აქვთ დროშები და სხვადასხვა შინაარსის საპროტესტო ბანერები.

"თავისუფლება რეჟიმის ტყვეებს", - სკანდირებენ ისინი.

პარლამენტის მიმდებარედ საპატრულო პოლიციის ეკიპაჟები არიან მობილიზებულები.