სახაროვის პრემიის ლაურეატი, მზია ამაღლობელი, არა მხოლოდ მამაცი ჟურნალისტია; ის მთელი ქართველი ერის სიმბოლოა, რომელიც თავისუფალი, დემოკრატიული და ევროპული მომავლისთვის იბრძვის, - ამის შესახებ „ევროპის სახალხო პარტია“ სოციალურ პლატფორმა X-ზე წერს.

„ამჟამინდელ მღელვარე დროში ის ყველას გვიგზავნის გზავნილს: „იბრძოლეთ, სანამ გვიან არ არის“, - აცხადებენ „ევროპის სახალხო პარტიაში“.

შეგახსენებთ, ევროპარლამენტში სახაროვის პრემიის გამარჯვებულების, პატიმრობაში მყოფი ჟურნალისტების - „ნეტგაზეთისა“ და „ბათუმელების“ დამფუძნებლის, მზია ამაღლობელისა და ბელარუსი ჟურნალისტის, ანდჟეი პოჩობუტის დაჯილდოების ცერემონია გაიმართა.