გაყინული რუსული აქტივების გამოყენების იდეა სისულელეა, - ამის შესახებ უნგრეთის პრემიერ-მინისტრმა, ვიქტორ ორბანმა ბრიუსელში, ევროპული საბჭოს სამიტის დაწყებამდე განაცხადა.

„ომში ორი ქვეყანაა. ომში ევროკავშირი არ არის, ეს რუსეთი და უკრაინაა. ევროკავშირს სურს, რომ ერთ მეომარ მხარეს ფული წაართვას და მეორე მხარეს გადასცეს. ეს ომში ჩართვას ნიშნავს. ბელგიის პრემიერ-მინისტრი მართალია, ჩვენ ეს არ უნდა გავაკეთოთ“, - განაცხადა ვიქტორ ორბანმა.

მისი თქმით, რუსული აქტივების გამოყენების საკითხი „მკვდარია“.

„მე მშვიდობისთვის ვმუშაობ. ჩვენ ნაბიჯები მშვიდობისკენ უნდა გადავდგათ და არა ომისკენ“, - აღნიშნა უნგრეთის პრემიერ-მინისტრმა.