რელიგიის სააგენტომ საქველმოქმედო აქცია გამართა
რელიგიის საკითხთა სახელმწიფო სააგენტოსა და საქართველოს ქრისტიან-ბაპტისტთა ეკლესიების გაერთიანების წარმომადგენლები დღეს საქართველოს საპატრიარქოსთან არსებულ წმინდა თამარ მეფის სახელობის ხელოვნების სკოლას ეწვივნენ. ამის შესახებ ინფორმაციას რელიგიის საკითხთა სახელმწიფო სააგენტო ავრცელებს.
როგორც გავრცელებულ ინფორმაციაშია ნათქვამი, გიმნაზიის მოსწავლეებს მათ ჰუმანიტარული დახმარება - 50 ცალი სასაჩუქრე ტკბილეულის ყუთი გადასცეს.
„აქციის ორგანიზატორებს სკოლის დირექტორმა, დეკანოზმა მირიან სამხარაძემ დახმარებისთვის მადლობა გადაუხადა.
აქციაში მონაწილეობდნენ: საქართველოს ქრისტიან-ბაპტისტთა ეკლესიების გაერთიანების აღმასრულებელი მდივანი ტარიელ პაპინაშვილი, რელიგიის საკითხთა სახელმწიფო სააგენტოს სტრატეგიული კვლევის, ანალიზისა და რეგიონების სამსახურის უფროსი ნინო ჭავჭავაძე და რელიგიის სააგენტოს თანამშრომლები“, - ნათქვამია ინფორმაციაში.
