ევროპული საბჭოს გადაწყვეტილება 2026–2027 წლებში უკრაინისთვის 90 მილიარდი ევროს გამოყოფის შესახებ, გადამწყვეტი ნაბიჯია ომის პირობებში ეკონომიკური მდგრადობისა და ფისკალური სტაბილურობისთვის, - ამის შესახებ უკრაინის პრემიერ-მინისტრი იულია სვირიდენკო სოციალურ პლატფორმა X-ზე წერს.

„ეს მხარდაჭერა უზრუნველყოფს უკრაინის საჯარო ფინანსების პროგნოზირებადობას, უზრუნველყოფს თავდაცვისა და სახელმწიფოს კრიტიკული ფუნქციების შენარჩუნებას და აძლიერებს ნდობას საერთაშორისო პარტნიორებს შორის“, - წერს უკრაინის პრემიერი.

მისი განცხადებით, რუსეთის აგრესიას ფინანსური ხარჯები ახლავს თან.

„რუსეთის სუვერენული აქტივები მობილიზებული რჩება და რეპარაციების სესხზე მუშაობა გრძელდება ევროკავშირისა და საერთაშორისო სამართლის შესაბამისად. ეკონომიკური სტაბილურობა უსაფრთხოების წინაპირობაა, როგორც უკრაინისთვის, ასევე ევროპისთვის“, - აცხადებს უკრაინის პრემიერი.