პორტუგალიის პრემიერ-მინისტრი კიევში ჩავიდა
პორტუგალიის პრემიერ-მინისტრი ლუის მონტენეგრო კიევში ჩავიდა, სადაც უკრაინის პრეზიდენტს ვოლოდიმირ ზელენსკის შეხვდება.
უკრაინული მედიის ცნობით, პორტუგალიის პრემიერ-მინისტრი კიევს თავდაცვის მინისტრ ნუნო მელოსთან ერთად ეწვია.
უკრაინის დედაქალაქში ვიზიტის დროს, პორტუგალიის პრემიერ-მინისტრი ასევე შეხვდება უკრაინელ კოლეგას, იულია სვირიდენკოს და პარლამენტის თავმჯდომარეს რუსლან სტეფანჩუკს.
„ეს ვიზიტი, უპირველეს ყოვლისა, მხარდაჭერის გამოხატულება - და არა მხოლოდ გამოცხადება - რომელიც რუსეთის უსამართლო აგრესიის დაწყების პირველივე მომენტიდან გრძელდება: პორტუგალია უკრაინასა და უკრაინელ ხალხს გვერდით დგას“, - განაცხადა მონტენეგრომ კიევში ჩასვლისთანავე.
მისი თქმით, ამ ეტაპზე უკრაინას ფინანსური მხარდაჭერა სჭირდება და ამის უგულებელყოფა არ შეიძლება.
