ბათუმში ევროპის მოედანზე საახალწლო ნაძვის ხე, საზეიმო ვითარებაში აინთო. გასართობი ღონისძიებები, რომელიც დღეს დაიწყო, 7 იანვრის ჩათვლით გაგრძელდება.

ევროპის მოედანი საზეიმო დეკორაციებით არის მორთული. განთავსებულია სცენა, სადაც ადგილობრივებთან ერთად მოწვეული მუსიკოსები სხვადასხვა მუსიკალურ ნომრებს შეასრულებენ.

ასევე, გასტრონომიული და სამეწარმეო კუთხეებია განთავსებული.

საზეიმო გალაკონცერტი ევროპის მოედანზე 31 დეკემბერს გაიმართება.