აშშ-ის პრეზიდენტის, დონალდ ტრამპის განცხადებით, ლუიზიანას გუბერნატორს ჯეფ ლენდრის გრენლანდიაში სპეციალურ წარმომადგენლად ნიშნავს.

„ჯეფის ესმის, თუ რამდენად მნიშვნელოვანია გრენლანდია ჩვენი ეროვნული უსაფრთხოებისთვის და მტკიცედ დაიცავს ჩვენი ქვეყნის ინტერესებს ჩვენი მოკავშირეების და, რა თქმა უნდა, მსოფლიოს უსაფრთხოებისა და გადარჩენისთვის“, - დაწერა დონალდ ტრამპმა Truth Social-ზე გამოქვეყნებულ პოსტში.

ჯეფ ლენდრიმ პრეზიდენტს მადლობა გადაუხადა და განმარტა, რომ სპეციალურ წარმომადგენლად მისი დანიშვნა ლუიზიანას გუბერნატორის პოსტზე არ იმოქმედებს.

ტრამპმა რამდენჯერმე განაცხადა, რომ გრენლანდია შეერთებული შტატების ნაწილი უნდა გახდეს. ამის მოტივად მან უსაფრთხოების მიზეზები და კუნძულის მინერალური რესურსებით დაინტერესება დაასახელა. წლის დასაწყისში ჯეფ ლენდრი ამ იდეა მიესალმა.