დანიელ და გრენლანდიელ ხალხს სოლიდარობას ვუცხადებთ , - ამის შესახებ ერთობლივ განცხადებას ევროკომისიისა და ევროპული საბჭოს პრეზიდენტები, ურსულა ფონ დერ ლაიენი და ანტონიო კოშტა სოციალურ ქსელში ავრცელებენ.

„არქტიკის უსაფრთხოება ევროკავშირისთვის მთავარ პრიორიტეტად რჩება და ამ მხრივ ჩვენ მოკავშირეებთან და პარტნიორებთან თანამშრომლობას ვცდილობთ. ტერიტორიული მთლიანობა და სუვერენიტეტი საერთაშორისო სამართლის ფუნდამენტური პრინციპებია. აღნიშნული პრინციპები მნიშვნელოვანია არა მხოლოდ ევროკავშირისთვის, არამედ მსოფლიოს ქვეყნებისთვის“, - ნათქვამია განცხადებაში.

შეგახსენებთ, აშშ-ის პრეზიდენტმა, დონალდ ტრამპმა გრენლანდიაში სპეციალურ წარმომადგენლად ლუიზიანას გუბერნატორი, ჯეფ ლენდრი დანიშნა.

ჯეფ ლენდრიმ დონალდ ტრამპს თანამდებობაზე დანიშვნისთვის მადლობა გადაუხადა.

„დიდი პატივია ამ მოხალისეობრივ თანამდებობაზე გემსახუროთ, რათა გრენლანდია აშშ-ის ნაწილი გახდეს“, - დაწერა ლენდრიმ X-ზე.