ალეპოში სირიის სამთავრობო ძალებსა და „სირიის დემოკრატიულ ძალებს“ შორის შეტაკებების შედეგად, სულ მცირე, ორი მშვიდობიანი მოქალაქე დაიღუპა, - ინფორმაციას Reuters-ი ავრცელებს.­

სირიის სამთავრობო ძალები და ქურთების მეთაურობით მოქმედი „სირიის დემოკრატიული ძალები“ (SDF) ქალაქ ალეპოში შეტაკებების დაწყებაში ერთმანეთს ადანაშაულებენ.

სირიის სახელმწიფო საინფორმაციო სააგენტო SANA-ს ცნობით, მშვიდობიანი მოქალაქეები SDF-ის მიერ ალეპოს საცხოვრებელი უბნების საარტილერიო დაბომბვის შედეგად დაიღუპნენ და დაშავდნენ.

როგორც Reuters-ი წერს, შეტაკებები სირიაში თურქეთის საგარეო საქმეთა მინისტრის, ჰაკან ფიდანის ვიზიტიდან რამდენიმე საათში დაიწყო.

ფიდანის თქმით, SDF-ს არ აქვს იმის განზრახვა, რომ სირიის შეიარაღებულ ძალებში ინტეგრაციის ვალდებულება შეასრულოს.