ჭავჭავაძის გამზირისა და კუს ტბის დამაკავშირებელი საბაგირო გზა დღეიდან მგზავრებს დროებით ვერ მოემსახურება.

ამის შესახებ ინფორმაციას თბილისის მერია ავრცელებს.

მათი ცნობით, საბაგიროს რეგლამენტით გათვალისწინებული გეგმური ტექნიკური სამუშაოები უნდა ჩაუტარდეს.

„საბაგირო გზას ჩაუტარდება რეგლამენტით გათვალისწინებული გეგმური ტექნიკური სამუშაოები, რომლის დასრულების შემდეგაც მგზავრთა მომსახურებას განაახლებს.

თბილისის სატრანსპორტო კომპანია ბოდიშს გიხდით შექმნილი დისკომფორტის გამო!“- ნათქვამია ინფორმაციაში.