როცა დამიბარეს, მოვედი, არ ვიცი არაფერი, ეტყობა რაღაც დეტალები აინტერესებთ კონკრეტულ საკითხთან დაკავშირებით, - ამის შესახებ სახელმწიფო უსაფრთხოების ყოფილმა უფროსმა, გრიგოლ ლილუაშვილმა ჟურნალისტებს გენერალურ პროკურატურაში განუცხადა, სადაც ის გამოკითხვაზე იმყოფება.

„როცა დამიბარეს, მოვედი, არ ვიცი არაფერი. ეტყობა რაღაც დეტალები აინტერესებთ კონკრეტულ საკითხთან დაკავშირებით, ვერაფერს გეტყვით, მართლა არ ვიცი“,- განაცხადა ლილუაშვილმა.

კითხვაზე, პირველად აძლევს თუ არა ის ჩვენებას, მან დადებითი პასუხი გასცა. „არ ვიცი რა საქმეა, ჩვენება არ მიმიცია... პირველად ვარ, ხომ გაიგებდით, როგორც დღეს გაიგეთ, ისე გაიგებდით“,- განაცხადა ლილუაშვილმა.

კითხვაზე, გამორიცხავს თუ არა გამოკითხვიდან გამოსვლის შემდეგ ბრალის წაყენებას, ლილუაშვილმა ასე უპასუხა:

„ღვთის ნებაა ყველაფერი, ვერაფერს გამოვრიცხავ“,- განაცხადა ლილუაშვილმა.

ლილუაშვილმა ასევე, უპასუხა შეკითხვას, რას შეიძლება უკავშირდებოდეს 11:00 საათზე, პროკურატურაში ჩანიშნული გენერალური პროკურორის ბრიფინგი, რაზეც მან უპასუხა: „მშვენიერი, ვერ გეტყვით, თვითონ იციან“.

რაც შეეხება ჟურნალისტის მორიგ შეკითხვას, შეიძლება თუ არა ბრიფინგის თემა თავად ლილუაშვილს უკავშირდებოდეს, სუს-ის ყოფილმა უფროსმა აღნიშნა: „ვინც დაგირეკათ იმას კითხეთ, არ ვიცი“.