Reuters - ალეპოში შეტაკებების შემდეგ სირიის მთავრობა და „სირიის დემოკრატიული ძალები“ ვითარების დეესკალაციის შესახებ შეთანხმდნენ
ალეპოში შეტაკებების შემდეგ სირიის მთავრობა და „სირიის დემოკრატიული ძალები“ ვითარების დეესკალაციის შესახებ შეთანხმდნენ, - ინფორმაციას Reuters-ი ავრცელებს.
სირიის თავდაცვის სამინისტროს განცხადებით, არმიის გენერლებმა ქურთების მეთაურობით მოქმედ „სირიის დემოკრატიული ძალებზე“ (SDF) იერიშების შეწყვეტის ბრძანება გასცეს.
ამასთან, „სირიის დემოკრატიულმა ძალებმა“ განცხადება გაავრცელა, რომელშიც ნათქვამია, რომ სირიის სამთავრობო ძალების თავდასხმებს აღარ უპასუხებენ.
შეგახსენებთ, ქალაქ ალეპოში სირიის სამთავრობო ძალებსა და „სირიის დემოკრატიულ ძალებს“ შორის შეტაკებები გუშინ დაიწყო. მხარეები შეტაკებების დაწყებაში ერთმანეთს ადანაშაულებენ.
სირიის ჯანდაცვის სამინისტროს ინფორმაციით, შეტაკებების შედეგად, სულ მცირე, ორი მშვიდობიანი მოქალაქე დაიღუპა.
