აშშ ნიკოლას მადუროს და მის თანამოაზრეებს ვენესუელის ლეგიტიმურ მთავრობად არ აღიარებს, - ამის შესახებ გაერო-ში აშშ-ის ელჩმა, მაიკ უოლცმა უშიშროების საბჭოს სხდომაზე განაცხადა.

„ნიკოლას მადურო ამერიკულ მართლმსაჯულებას ემალება და ის უცხოური ტერორისტული ორგანიზაცია Cartel de Los Soles-ის ლიდერია. მადურომ და მისმა რეჟიმმა არჩევნები მოიპარა და საერთაშორისო საზოგადოებას ამის მტკიცებულებები აქვს“, - განაცხადა მაიკ უოლცმა.

მისი თქმით, „სანქცირებული ნავთობტანკერები მადუროს რეჟიმის მთავარი ეკონომიკური შემოსავლის წყაროა“.

„ასევე, სანქცირებული ტანკერები ნარკოტერორისტულ დაჯგუფებას Cartel de Los Soles-ს აფინანსებენ. ამ ნახევარსფეროსთვის, ჩვენი სამეზობლოსთვის და აშშ-სთვის ყველაზე სერიოზულ საფრთხეს ტრანსნაციონალური ტერორისტული და კრიმინალური დაჯგუფებები წარმოადგენენ“, - აღნიშნა ელჩმა.