შევხვდი მარკ რუტეს, რათა განმეხილა უკრაინაში არსებული სიტუაცია და „მსურველთა კოალიციის“ ფარგლებში მიმდინარე სამუშაოს პროგრესი, - ამის შესახებ საფრანგეთის პრეზიდენტი, ემანუელ მაკრონი სოციალურ პლატფორმა X-ზე წერს.

„იანვრიდან პარიზში ჩვენ გავაგრძელებთ ამ ძალისხმევას, რათა უკრაინა უზრუნველვყოთ უსაფრთხოების ძლიერი გარანტიებით, რაც აუცილებელი პირობაა მტკიცე და ხანგრძლივი მშვიდობის მისაღწევად“, - წერს მაკრონი.

მისი განცხადებით, უკრაინას შეუძლია საფრანგეთის იმედი ჰქონდეს.

„რუსეთის აგრესიის პარალელურად, უკრაინა აგრძელებს ბრძოლას და აგრძელებს მდგრადობის დემონსტრირებას. მას შეუძლია დაეყრდნოს ჩვენს ურყევ მხარდაჭერას, როგორც ახლა, ასევე მომავალში“, - წერს მაკრონი.