მიზეზი, რის გამოც ბაჩო ახალია დააკავეს, არის ის, რომ ახლა დღის წესრიგში არ იყოს ლილუაშვილის საქმე - ეს არის თემის გადაფარვა , - ამის შესახებ „ნაციონალური მოძრაობის“ ერთ-ერთმა ლიდერმა, ირაკლი ფავლენიშვილმა განაცხადა, რითაც 4 ოქტომბერის მოვლენებთან დაკავშირებით, თავდაცვის ყოფილი მინისტრის, ბაჩო ახალაიას დაკავებას გამოეხმაურა.

„პალიტრანიუსის“ გადაცემაში „თავისუფალი სტუდია“ ირაკლი ფავლენიშვილმა განაცხადა, რომ ბაჩო ახალაიას საქმე თაროზე ჰქონდათ შემოდებული და მაგიდაზე მაშინ დადეს, როცა დასჭირდათ.

„მიზეზი, რის გამოც ბაჩო ახალია დააკავეს, არის ის, რომ ახლა დღის წესრიგში არ იყოს ლილუაშვილის საქმე, ის, რომ ყველაზე მნიშვნელოვან და ძლევამოსილ ინსტიტუციას ივანიშვილის პირობებში ხელმძღვანელობდა ადამიანი, რომელიც იყო ღრმა და ყოვლისმომცველ კორუფციაში ჩაფლული. მთელი ივანიშვილის გუნდი წლების განმავლობაში ყოფილან ან „დიფსთეითის“ აგენტებისგან შემდგარი ან ღრმად კორუმპირებული, ხალხის ფულის მძარცველებისგან. ფასების ზრდაზე და იზოლაციაზე რომ ვისაუბროთ, ამის ნაცვლად უნდა ვისაუბროთ ბაჩო ახალაიას თითქოს მოწყობილ 4 ოქტომბრის სცენარზე. ვინც შემხვდა ყველა ამას ამბობდა, ეს არის თემის გადაფარვა. ბოლო თვეების განმავლობაში უტრიალებენ ბაჩო ახალაიას და დღეს მიღებული გადაწყვეტილება არ გახლავთ. თაროზე ჰქონდათ შემოდებული და როცა საჭიროდ ჩათვლიდნენ, მაშინ დადებდნენ მაგიდაზე“, - განაცხადა ირაკლი ფავლენიშვილმა.

ირაკლი ფავლენიშვილის თქმით, 4 ოქტომბრის საქმე პოლიტიკურად მოტივირებულია.

„თვითონ 4 ოქტომბრის საქმე პოლიტიკურად მოტივირებულია. „ოცნებამ“ პროპაგანდით ბაჩო ახალაიას დისკრედიტაცია მოახდინა და შეიძლება ვიღაცებს არ უყვარდეთ ბაჩო ახალაია, მაგრამ ეს არ უნდა იყოს იმის საფუძველი, რომ ყველაფერი დაიჯერო ამ ადამიანზე”, - განაცხადა ირაკლი ფავლენიშვილმა.

ირაკლი ფავლენიშვილის განცხადებით, არ არის გამორიცხული, რომ 4ოქტომბრის საქმესთან გრიგოლ ლილუაშვილიც დააკავშირონ.

„ეს ნარატივი აშკარად აქვთ, რომ თითქოს ლილუაშვილი რომ ცუდია, ესეც „ნაცების“ ბრალია და არა „ქოცების“. ლილუაშვილს ახლა ალბათ „ნაცად“ ასაღებენ. ამ კონტექსტში არ გამოვრიცხოთ ის, რომ საუბარი იყოს ლილუაშვილის კავშირზე 4 ოქტომბრის საქმესთან. ბოლო პერიოდში პროპაგანდისტულად მაქსიმალურად ცდილობენ, რომ ლილუაშვილი ოპოზიციურ მედიებს და ოპოზიციურ აქტორებს“, - განაცხადა ირაკლი ფავლენიშვილმა.