თბილისის საქალაქო სასამართლოში თავდაცვის ყოფილი მინისტრის ბაჩო ახალაიას სასამართლო პროცესი მიმდინარეობს.

დღევანდელ პროცესზე, მოსამართლე იმსჯელებს, თუ რა აღკვეთის ღონისძიება შეეფარდება ბაჩო ახალაიას.

პროცესს ესწრება ბრალდებული ბაჩო ახალაია.

ასევე, პროკურატურის მოთხოვნით ბაჩო ახალაიას მეუღლის ანი ნადარეიშვილის პროცესი დაატოვებინეს, რადგან პროკურორ ვაჟა თოდიას თქმით, აღნიშნულ საქმეში მას მოწმის სტატუსი აქვს.

ამ წუთას კი სასამართლო სხდომის სრულად დახურვის შუამდგომლობას განიხილავენ.

ცნობისთვის, ბაჩო ახალაიას 4 ოქტომბრის საქმეზე ბრალდება საქართველოს სისხლის სამართლის კოდექსის 225-ე მუხლის პირველი ნაწილით ჯგუფური ძალადობის ორგანიზება და ხელმძღვანელობა წარედგინა, რაც სასჯელის სახედ და ზომად 9 წლამდე თავისუფლების აღკვეთას ითვალისწინებს.