იაპონიაში 67 ავტომობილის მონაწილეობით ავტოსაგზაო შემთხვევა მოხდა - დაიღუპა 2 და დაშავდა 26 ადამიანი, შემთხვევის გამო გაჩენილი ხანძრის შედეგად კი 20-მდე ავტომობილი დაიწვა
იაპონიაში 67 ავტომობილის მონაწილეობით მასშტაბური ავტოსაგზაო შემთხვევა მოხდა, რის შედეგად, 2 ადამიანი დაიღუპა და 26 დაშავდა, - ინფორმაციას ადგილობრივი მედია ავრცელებს.
ავტოსაგზაო შემთხვევა პარასკევს საღამოს, გუმის პრეფექტურაში, ჩქაროსნულ ავტომაგისტრალზე მოხდა.
ადგილობრივი პოლიციის განცხადებით, დაშავებულთაგან ხუთი ადამიანის მდგომარეობა მძიმეა.
მედიის ცნობით, ინციდენტი მაშინ დაიწყო, როდესაც ორი სატვირთო ერთმანეთს შეეჯახა, ხოლო სხვა მძღოლებმა ავტომობილებზე კონტროლი ყინულის გამო დაკარგეს.
ავტომაგისტრალზე შეჯახებების სერია 300 მეტრის მანძილზე გაგრძელდა.
ავტოსაგზაო შემთხვევის შედეგად ხანძარი გაჩნდა და დაახლოებით 20 ავტომობილი დაიწვა.
