გვყავს უძლიერესი პრემიერი - ადამიანი, რომელიც სპორტის განვითარებაზე საქართველოში ყველაზე მეტად ფიქრობს და მისი გადაწყვეტილებებიც ნათელია - მომავალი 4 წლის განმავლობაში 2 მილიარდ ლარზე მეტი დაიხარჯება მულტიფუნქციური კომპლექსების აშენებაზე,- ამის შესახებ სპორტის მინისტრმა შალვა გოგოლაძემ საქართველოს ფეხბურთის ფედერაციის დაჯილდოების ცერემონიაზე განაცხადა.

მისი თქმით, იქმნება მეტი შესაძლებლობა, რომ ფეხბურთი წინ წავიდეს.

„ჩვენ გვყავს ყველაზე უძლიერესი პრემიერი. ადამიანი, რომელიც სპორტის განვითარებაზე საქართველოში ყველაზე მეტად ფიქრობს. მისი გადაწყვეტილებებიც ნათელია. ახლო მომავალში, მომავალი 4 წლის განმავლობაში 2 მილიარდ ლარზე მეტი დაიხარჯება მულტიფუნქციური კომპლექსების აშენებაზე. აშენდება საფეხბურთო ბაზებით, 23 ტექნიკური ბაზა. 8 რაიონში ახალი თანამედროვე სტადიონები მოგვცემს საშუალებას, რომ თითოეული ბავშვის ნატვრა, რაც არის თანამედროვე სტადიონებზე ვარჯიში, ახლო მომავალში ასრულდეს. გვექნება მეტი შესაძლებლობა, რომ მეტი კონკურენცია იყოს და წინ და წინ წავიდეს ფეხბურთი“,- განაცხადა შალვა გოგოლაძემ.