ვოლოდიმირ ზელენსკის, რუსტემ უმეროვსა და სტივ უიტკოფს შორის სატელეფონო საუბარი გაიმართა.

უკრაინის ეროვნული უსაფრთხოებისა და თავდაცვის საბჭოს მდივნის, რუსტემ უმეროვის ცნობით, აშშ-ის პრეზიდენტის სპეციალურ წარმომადგენელთან, სტივ უიტკოფთან სატელეფონო საუბარში მონაწილეობა უკრაინის პრეზიდენტმა, ვოლოდიმირ ზელენსკიმაც მიიღო.

„უკრაინისკენ გზაზე აშშ-ის პრეზიდენტის სპეციალურ წარმომადგენელს, სტივ უიტკოფს ვესაუბრეთ. სატელეფონო საუბარს უკრაინის პრეზიდენტი ვოლოდიმირ ზელენსკიც შეუერთდა. მთავარი საკითხი შემდგომი კონტაქტებისა და ნაბიჯების კოორდინაციაა. მუშაობა ინტენსიურია. კონსულტაციებსა და დოკუმენტებში არსებულ პუნქტებზე მუშაობას ყოველდღიურად ვაგრძელებთ“, - წერს უმეროვი X-ზე.

ასევე, უმეროვის თქმით, უკრაინული მხარე ეროვნული უსაფრთხოების საკითხებში ევროპელი ლიდერების მრჩევლებთან მუდმივ კონტაქტზეა.

„უახლოეს მომავალში კონტაქტებზე შევთანხმდით“, - აცხადებს უმეროვი.