პარლამენტთან საპროტესტო აქცია განახლდა. მოქალაქეები პარლამენტის წინ უცვლელი მოთხოვნებით შეიკრიბნენ - დაინიშნოს ახალი საპარლამენტო არჩევნები და გათავისუფლდნენ აქციების ფარგლებში დაკავებული პირები.

დემონსტრანტებს ადგილზე მიტანილი აქვთ დროშები და სხვადასხვა შინაარსის ბანერები.

ასევე, პარლამენტის მიმდებარედ საპატრულო პოლიციის ეკიპაჟები არიან მობილიზებულები.

ცნობისთვის, პარლამენტთან აქციები უკვე უწყვეტად 398-ე დღეა მიმდინარეობს.