შვეიცარიელ ხალხსა და ხელისუფლებას საფრანგეთის სახელით სრულ სოლიდარობას ვუცხადებ, - ასე ეხმაურება საფრანგეთის პრეზიდენტი, ემანუელ მაკრონი შვეიცარიის კრანს-მონტანას სათხილამურო კურორტზე მომხდარ აფეთქებას.

„კრანს-მონტანაში მომხდარ ხანძართან დაკავშირებით ღრმა მწუხარებას გამოვთქვამ. ჩემი ფიქრები დაღუპულთა და დაშავებულთა ოჯახებთანაა. შვეიცარიას, მის ხალხსა და ხელისუფლებას საფრანგეთის სახელით სრულ სოლიდარობასა და ძმურ მხარდაჭერას ვუცხადებ“, - წერს საფრანგეთის პრეზიდენტი X-ზე.

მომხდარს ლატვიის პრეზიდენტი, ედგარს რინკევიჩიც გამოეხმაურა.

„ღრმა მწუხარებას ვუცხადებ კრანს-მონტანაში მომხდარი საშინელი ტრაგედიის შედეგად დაღუპულთა ოჯახებსა და მათ ახლობლებს. დაშავებულებს სწრაფ გამოჯანმრთელებას ვუსურვებ“, - დაწერა რინკევიჩმა X-ზე.

ცნობისთვის, შვეიცარიის პოლიციის განცხადებით, კრანს-მონტანას სათხილამურო კურორტზე მდებარე Le Constellation-ის ბარში აფეთქება ახალი წლის ღამეს მოხდა. ბოლო ინფორმაციით, ათეულობით ადამიანი დაიღუპა და 100-ზე მეტი დაშავდა.